drein

Châque année y'a la fais'sie d'cidre au Mangni d'Sanmathès. Au temps pâssé Jèrri 'tait couvèrt d'gardîns à pommièrs - nou dit qué quand la Reine Victoria, not' Duc, vîsitit Jèrri en 1846 ou n'viyait qu'des pommièrs du haut du Vièr Châté.

préchain



Siez mé

 

 

Lé Cidre

Vive l'cidre! l'cidre coeuru!
Le cidre est remplli de vertu:
Quand nouz a sé i' desaltere,
Et ch'est un vrai pllaisir de l'bere:
I' ne vouos laisse aucun rtunfin,
Qu'ous le beviez ser ou matin.
I' n'monte pas vite à la tête,
Nou n'en dveint pas en l'heure bête;
Et s'ous voulez aver du coeu,
Bevez du cidre qui-a du feu.
J'ai parfais pensè qu'not' grand mere
Nouos a joué un vilain tou, vere;
Mais n'seyiz pas entout ravis
Qu'Eve nouos perdit l'paradis:
La tentation était trop forte,
Et vite ou fut minse à la porte;
Mais j'avons la consolation
D'aver le cidre pour bouaisson.
Vive! vive le jus d'la pomme,
Le souotien, le r'confort de l'homme.