La couleu d'Jèrri est blianche auve eune rouoge crouaix diagonale et, à haut, l'êtchusson des trais léopards coêffi dg'ieune couronne.

La couleu qué j'faîsons sèrvi en Jèrri ach'teu a 'té officiellement haûlîndgie en mil neuf chent huiptante'tch'ieune. Nou-s'a ajouôté l'êtchusson Jèrriais, auve eune couronne, à la rouoge crouaix traditionnelle.

Dgieu sauve nouot' bouôn Duc -
Longue vie au nobl'ye Duc,
Dgieu sauve nouot' Reine.
Rends-la victorieuse,
Jouaiyeuse et glorieuse,
Qu'ou règne sus nous heutheuse -
Dgieu sauve la Reine!

Tes dons les pus précieux
Sus lyi vèrse des cieux,
Dgieu sauve la Reine !
Qu'ou défende nouos louais
Et d'un tchoeu et d'eune vouaix
Jé chant'tons à janmais
Dgieu sauve la Reine !

Les Trais Léopards

Lé crapaud est l'annima tchi symbolîse Jèrri. Les Jèrriais sont mênommés “des crapauds”.

Y'a un coin d'tèrre qué j'aime, qué j'n'oubliéthai janmais -
Dans mes pensées tréjous preunmyi -
Car jé n'vai rein à compather à ses bieautés
Dans touos mes viages à l'êtrangi.
Jèrri, man paradis, pus belle taque souos l'solé -
Qué j'aime la paix dé chu Jèrri!
L'amour lé veurt, j'ai si envie dé m'en r'aller
Èrvaie man chièr pétit pays,

Man bieau p'tit Jèrri, la reine des îles -
Lieu dé ma naissance, tu m'pâsses bein près du tchoeu;
Ô, tchi doux souv'nîn du bouôn temps qu' j'ai ieu
Quand j'pense à Jèrri, la reine des îles!

Jé connais touos tes charmes; et combein qu' j'en ai joui
Auve eun-é chiéthe anmie, aut' fais!
Quand même qué pouor a ch't heu jé n' sais pon tout près d'lyi,
N' y'a rein qu' Jèrri dans mes pensées.
Et pis, comme tout bouôn Jèrriais, dans l'fond d'man tchoeu
J'ai grand envie dé m'en r'aller
Dans l'île tchi m'a donné tant d'amour et d'bonheu ,
Èrvaie ma chiéthe et man siez-mé.

Man bieau p'tit Jèrri, la reine des îles -
Lieu dé ma naissance, tu m'pâsses bein près du tchoeu;
Ô, tchi doux souv'nîn du bouôn temps qu' j'ai ieu
Quand j'pense à Jèrri, la reine des îles!